The news is by your side.

Advertisement

ہیڈ کوچ نے یاسر شاہ کو آسٹریلیا کے خلاف ٹیم میں شامل نہ کرنے کی وجہ بتا دی

لاہور: قومی ٹیم کے رائٹ آرم لیگ بریک بولر یاسر شاہ کے حوالے سے ہیڈ کوچ نے کہا ہے کہ انھیں آؤٹ آف فارم ہونے کی وجہ سے ٹیم میں شامل نہیں کیا گیا۔

تفصیلات کے مطابق قومی کرکٹ ٹیم کے ہیڈ کوچ ثقلین مشتاق نے ورچوئل پریس کانفرنس میں‌ کہا کہ آسٹریلیا کے خلاف ٹیسٹ سیریز میں یاسر شاہ کی بہت کمی محسوس ہو رہی ہے۔

انھوں نے کہا یاسر شاہ کی انجری کا مسئلہ نہیں بلکہ اصل مسئلہ اس کا آؤٹ آف فارم ہونا ہے، یاسر شاہ کو فٹ نہ ہونے کے باعث ٹیم میں شامل نہیں کیا گیا۔

ثقلین مشتاق نے مزید کہا کہ یاسر شاہ محنت کر رہا ہے، جب ہم سمجھیں گے کہ یاسر اب مکمل فٹ اور بہترین فارم میں ہے تو اس کو بلا لیں گے۔

لاہور ٹیسٹ کے حوالے سے ہیڈ کوچ کا کہنا تھا کہ قذافی اسٹیڈیم میں تگڑی کرکٹ کے لیے ہم تیار ہیں، ہمارا مشن آسٹریلیا کو ہرا کر سیریز جیتنا ہے، جس کی کوشش کریں گے۔

انھوں نے کہا کراچی ٹیسٹ میں کھلاڑیوں‌ نے نا ممکن کو ممکن بنایا اور آسٹریلیا کے خلاف دوسرے ٹیسٹ میچ میں تاریخ رقم کی، قومی ٹیم نے جس طرح شاندار کارکردگی دکھائی اس پر میں فخر محسوس کر رہا ہوں۔

پچز کے حوالے سے ہیڈ کوچ کا کہنا تھا کہ پہلے ٹیسٹ میں موسم اثر انداز ہوا تھا، راولپنڈی میں خراب موسم کی وجہ سے کھیل متاثر ہوا، تاہم دوسرے ٹیسٹ میں آسٹریلیا کے خلاف کھلاڑیوں نے شاندار کارکردگی کا مظاہرہ کیا۔

ثقلین مشتاق نے کہا فواد عالم نے اپنے انداز میں پرفارمنس دی ہے، فواد عالم کو پہلی اننگز میں بہت اچھا گیند پڑا جس سے وہ آؤٹ ہوئے، یقین ہے کہ وہ لاہور میں بڑی اننگز کھیلنے میں کامیاب رہیں گے۔

ہیڈ کوچ نے ساجد خان کی تعریف کی اور کہا کہ دونوں ٹیسٹ میچز میں ساجد خان نے بہترین بولنگ کی۔

Comments

یہ بھی پڑھیں