رہنما پاکستان تحریک انصاف اور سابق صبائی وزیر یاسمین راشد کا کہنا ہے کہ ہم خوش نصیب ہیں کہ اللہ نے ہمیں عمران خان جیسا لیڈر دیا ہے۔
لاہور میں پریس کانفرنس کرتے ہوئے یاسمین راشد نے کہا کہ جو کلمہ حق کی آواز عمران خان نے اٹھائی اللہ بھی ساتھ ہے، عمران خان دنیا کی آنکھوں میں آنکھ ڈال کر بات کرتا ہے، سابق حکومتیں ہمیں محکومی کی طرف لے کر گئیں۔
”عمران خان نے حق کی آواز اٹھائی اس پر ہر طبقے سے سپورٹ مل رہی ہے، عمران خان اس بات پر یقین رکھتا ہے کہ پاکستان آزاد ملک بنایا گیا تھا، عوام کی سپورٹ رہی تو ہم پاکستان کی حقیقی منزل تک پہنچیں گے“۔
پریس کانفرنس میں موجود رہنما پی ٹی آئی سینیٹر اعجاز چوہدری نے کہا کہ جن تنظیمات نے حمایت کا اعلان کیا وہ دعوت حق کے داعی ہیں، عمران خان نے حلف اٹھانے کے بعد مدینہ جیسی ریاست بنانے کی جدوجہد کی۔
”ہم نے رحمت العالمین ﷺ اتھارٹی قائم کی، عمران خان کے دوبارہ وزیر اعظم بننے کی صورت میں اپنانا مکمل ایجنڈا مکمل کریں گے، 17 جولائی کو جیت پر پنجاب کی حکومت حاصل کر کے مرکز کی حکومت حاصل کریں گے“۔
