اسلام آباد: سال 23-2022 میں بجلی کے ترسیلی نظام کے حوالے سے رپورٹ جاری کردی گئی ہے جس میں اہم انکشافات سامنے آئے ہیں۔
تفصیلات کے مطابق نیپرا نے بتایا کہ مالی سال 23-2022 میں بجلی معطل ہونے کے 55 واقعات ہوئے۔ بجلی معطل ہونے سے صارفین پرایک ارب 24 کروڑ 79 لاکھ روپے کا بوجھ پڑا۔
رپورٹ میں بتایا گیا کہ اس عرصے میں بجلی معطلی کے واقعات میں 8 فیصد اضافہ ہوا اور درجنوں ٹاورز بھی گرے۔ گزشتہ ایک سال میں این ٹی ڈی سی نیٹ ورک میں بجلی کے 46 ٹاورز گرے۔
- Advertisement -
بجلی کے ترسیلی نظام میں عارضی انتظامات کے باعث بلیک آؤٹ ہوا۔ ترسیلی نظام میں خرابیاں دور نہ کرنے سے مہنگی بجلی پیدا کی گئی۔
رپورٹ کے مطابق ترسیلی نظام میں بہتری لانے کے منصوبے تاخیر کا شکار ہورہے ہیں۔ لاہور اور حیدرآباد ریجن میں بجلی معطلی کے سب سے زیادہ واقعات ہوئے۔
