ڈرامہ سیریل ’صنف آہن‘ کو پاک فوج کے شعبہ تعلقات عامہ اور سکس سگما پلس کے اشتراک سے خواتین کے حقوق کے موضوع پر بنایا جارہا ہے، اے آر وائی ڈیجیٹل پر ڈرامے کے کئی ٹیزر ریلیز کئے جاچکے، جسے مداحوں کی جانب سے بھرپور پذیرائی مل رہی ہے۔
ایسا ہی ایک ٹیزر حال ہی میں جاری کیا گیا ہے جو کہ یقینا مداحوں کی دلچسپی کا باعث بنے گا، مذکورہ ٹیزر سری لنکن اداکارہ یحالی تاشیا کے کردار پر مبنی ہے۔
’صنف آہن‘ میں یحالی تاشیا پاکستانی اداکاراؤں سجل علی، یمنیٰ زیدی، کبریٰ خان، رمشا خان اور سائرہ یوسف کے ہمراہ فوجی روپ میں دکھائی دیں گی، یحالی تاشیا نے ڈرامے میں سری لنکن فوجی کیڈٹ ’نتھمی پریرا‘ کا کردار ادا کیا ہے جو تربیت حاصل کرنے پاکستان آتی ہیں۔
جاری کیے گئے ٹیزر میں انہیں سجل علی سمیت دیگر اداکاراؤں کے ہمراہ پاکستان میں سخت ملٹری ٹریننگ لیتے دکھایا گیا ہے، سری لنکن فوجی کیڈٹ دوران تربیت نہ صرف پیشہ ورانہ مہارت حاصل کرتی ہیں بلکہ وہ اردو زبان بھی بولنا سیکھ جاتی ہیں۔
یہ بھی پڑھیں: ’فیصلہ لے لیا میں نے مجھے فوج میں جانا ہے‘
ٹیزر میں وہ اداکارہ سجل علی کو بتاتی ہیں کہ ان کے ہمسفر سری لنکا میں ہونے والے ایک خودکش حملے میں ہلاک ہوئے تھے۔
اس ٹیزر میں سری لنکن اداکارہ کے یونیفارم پر نہ صرف اپنے ملک بلکہ پاکستان کا بیج بھی آویزاں دکھایا گیا ہے اور انہیں بتایا جاتا ہے کہ ان پر دو ملکوں کی ذمہ داری ہے، اس وجہ سے وہ ہر کام احتیاط کے ساتھ سر انجام دیں۔
ڈرامہ سیریل صنفِ آہن کی کہانی ڈرامہ و ناول نگار عمیرہ احمد نے لکھی ہے جبکہ ڈرامے کی ہدایات کاری ندیم بیگ نے دی ہے، ڈرامے کے پروڈیوسرز ہمایوں سعید، ثمینہ ہمایوں، شہزاد نصیب اور ثنا شاہ نواز ہیں۔
ڈرامے کو عنقریب اے آر وائی ڈیجیٹل پر نشر کیا جائےگا۔
Introducing #YehaliTashiya as Nathmy Perrera – A character who has the honor of wearing two flags & representing two countries at PMA#SinfeAahan #ComingSoon only on #ARYDigital #ISPR #SixSigmaPlus #NextLevelProductions@iamhumayunsaeed @Salman_ARY @Jerjees @nadeembaigg pic.twitter.com/l6uxvBvJSA
— ARY Digital (@arydigitalasia) November 17, 2021
