The news is by your side.

Advertisement

گھر پر چیزیں فراہم کرنے والا روبوٹ

بیجنگ: چینی ماہرین نے ایسا روبوٹ تیار کیا ہے جو  صارفین کو گھر بیٹھے چیزیں فراہم کرنے کی صلاحیت رکھتا ہے۔

غیر ملکی خبررساں ادارے کے مطابق بیجنگ کے رہائشی علاقے میں پیلے ’زرد‘ رنگ کا روبوٹ سڑکوں پر چیزیں لے جاتے ہوئے نظر آرہا ہے جو گاہگوں کے آرڈر اُن کے گھروں تک پہنچا رہا ہے۔

یہ روبوٹ سپر اسٹور سے پھل، کولڈرنگ، سمیت دیگر اشیاء صارفین کے گھروں تک پہنچاتا ہے۔

چینی ماہرین کی جانب سے تیار کردہ روبوٹ میں جی پی ایس سسٹم نصب کیا گیا جبکہ اس میں کیمرہ اور ریڈار سسٹم بھی موجود ہے جو کچھ کلوگرام تک وزن اٹھا کر 12 کلومیٹر فی گھنٹہ کی رفتار سے فاصلہ طے کرسکتا ہے۔

روبوٹ میں 4 کیمرے نصب کیے گئے جن کی مدد سے وہ اطراف کے حالات کا جائزہ لینے اور رکاٹوں کو دیکھتا ہے جبکہ سسٹم کے مطابق دائیں بائیں مڑنے یا پھر سمت بھی خود بدلتا ہے۔

الیکٹرانک ملازم میں کنٹرولنگ سسٹم نصب کیا گیا جو 6 پہیوں کو گھمانے اور مذکورہ مقام تک پہنچانے میں مدد فراہم کرتا ہے، فی الحال کمپنی کی جانب سے یہ آزمائشی طور پر متعارف کرایا گیا ہے۔

کمپنی ترجمان کا کہنا ہے کہ اگر صارفین کی جانب سے شکایات موصول نہ ہوئیں اور تجربہ کامیاب رہا تو اسے باقاعدہ متعارف کرادیا جائے گا البتہ اگر کوئی مسائل درپیش ہوئے تو سسٹم کو جدید کیا جائے گا اور پھر اسے تجارتی مقصاد کے لیے استعمال کیا جاسکے گا۔

ٹیکنالوجی کمپنی نے اس عزم کا اظہار کیا ہے کہ مستقبل میں اس طرح کے روبوٹ ایک شہر سے دوسرے شہر سامان کی ترسیل کے لیے بھی استعمال کیے جاسکیں گے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں