قاہرہ: مصرمیں ایک مقامی شخص قاہرہ میں موجود اہرام مصرکی چوٹی پر چڑھ گیا،احرام مصر کی چوٹی پر موجود تکون توڑنے کے بعد اس نے وہاں سے زائرین پر پتھر اور لکڑیاں پھینکیں جس کے نتیجے میں سیاح اور زائرین خوف زدہ ہوگئے۔
تفصیلات کے مطابق سماجی کارکنوں نے سوشل میڈیا پر ایک فوٹیج پوسٹ کی ہے جس میں ایک نوجوان کو احرام مصر کی چوٹی پرچڑھتے دکھایا گیا ہے۔ یہ نوجوان احرام مصر کی چوٹی پر چڑھنے کے وہاں سے پتھر پھینکنے لگا جس کے باعث وہاں پر موجود شہریوں میں خوف وہراس پھیل گیا۔
زائرین اور سماجی کارکنوں کاکہناتھاکہ احرام مصر کی چوٹی پر چڑھنے والے نوجوان کا ذہنی توازن درست نہیں لگتا۔نوجوان کی جانب سے سنگ باری کے باعث پولیس اسےپکڑنے میں پہلے تو ناکام رہی تاہم بعد میں پولیس نے اسے گرفتار کرلیا تھا۔
یاد رہے کہ ماضی میں بھی اس قسم کے واقعات ہوتے رہے ہیں، ایک مرتبہ ایک غیر ملکی جوڑا احرام کی چوٹی پرچڑھ گیا تھا جبکہ فحش فلموں کی ایک ویب سائٹ بھی ایک مرتبہ احرام کی چوٹی پر ایک فلم بھی شوٹ کرچکے ہیں۔
