بھوپال: بھارت میں ایک کمسن بیٹے نے بیمار باپ کو ریڑھی پر اسپتال پہنچا دیا، جس کی ویڈیو وائرل ہو گئی ہے۔
تفصیلات کے مطابق بھارتی ریاست مدھیہ پردیش کے ضلع سنگرولی میں ایک مریض کے لیے ایمبولنس نہ مل سکی تو 6 سالہ بیٹے نے بیمار باپ کو ریڑھی پر لٹا کر اسپتال پہنچا دیا۔
وائرل ویڈیو میں دیکھا جا سکتا ہے کہ ایک بچہ اپنے بیمار باپ کو ریڑھی پر اسپتال لے جا رہا ہے، یہ واقعہ تھانہ کوتوالی ٹاؤن میں پیش آیا۔
رپورٹس کے مطابق بلاری علاقے کے رہائشی خاندان میں ایک شخص کی طبیعت اچانک خراب ہو گئی، تو ان کی اہلیہ اور بیٹے نے 108 ایمبولنس کو متعدد بار فون کیا لیکن ایمبولنس نہیں پہنچی۔
6 साल का बच्चा अपने बीमार पिता को ठेले पर लेकर पहुंचा अस्पताल
◆ 'Video' मध्य प्रदेश के सिंगरौली ज़िले का है
Madhya Pradesh | #MadhyaPradesh pic.twitter.com/yAMcZsWYpL
— News24 (@news24tvchannel) February 12, 2023
ایمبولنس دستیاب نہ ہونے پر 6 سالہ معصوم بیٹے اور بیوی نے مریض کو ریڑھی پر ڈال کر 3 کیلو میٹر دور واقع سرکاری اسپتال پہنچا دیا۔
راستے میں کسی نے اس واقعے کی ویڈیو بنا کر سوشل میڈیا پر ڈال دی جو وائرل ہو گئی۔
ویڈیو وائرل ہونے کے بعد ضلعی انتظامیہ نے واقعے کی تحقیقات کے احکامات جاری کر دیے۔
