ڈربی: ٹیسٹ کرکٹر اسد شفیق کا کہنا ہے کہ بطور بیٹنگ کوچ یونس خان کی شمولیت سے بیٹسمینوں کو فائدہ ہوا ہے۔
تفصیلات کے مطابق قومی ٹیم کے مڈل آرڈر بلے باز اسد شفیق کا کہنا ہے کہ بیٹنگ کوچ یونس خان ہر کھلاڑی پر انفرادی توجہ دیتے ہیں، پریکٹس میچ سے کھلاڑیوں کو مدد ملی ہے، امید ہے دورے کے اچھے نتائج آئیں گے۔
اسد شفیق نے کہا کہ یونس خان نے پریکٹس میچ کے بعد تمام بلے بازوں کو اکٹھا بیٹھا کر خامیوں پر قابو پانے کی ہدایت بھی کی ہے۔
Test batsman @asadshafiq1986 previews Pakistan’s four-day intra-squad match which begins on Friday.
23rd edition of PCB Podcast out now!
🎧 https://t.co/O6IYKkXayj
🎥 https://t.co/h3qK6YrWpS pic.twitter.com/aC7UbDJCpo— Pakistan Cricket (@TheRealPCB) July 16, 2020
ٹیسٹ کرکٹر اسد شفیق نے کہا کہ بائیو سیکیور ماحول کھلاڑیوں کو دوست بنا رہا ہے، کھلاڑیوں میں دوستی بڑھ گئی ہے اس عمل سے ٹیم کو فائدہ ہوگا۔
مڈل آرڈر بلے باز کا کہنا تھا کہ تمام کھلاڑی گزشتہ تین ماہ سے کرکٹ کی کمی محسوس کررہے تھے، پہلے ٹیسٹ میچ سے قبل پریکٹس میچ مفید ہوں گے۔
واضح رہے کہ قومی کرکٹ ٹیم تین ٹیسٹ اور تین ٹی 20 میچز کی سیریز کھیلنے کے لیے انگلینڈ میں موجود ہے، دونوں ٹیموں کے درمیان پہلا ٹیسٹ 5 اگست سے کھیلا جائے گا۔
