The news is by your side.

یونس خان19رنز بناکرپاکستان کےکامیاب بلے بازبن جائیں گے

لاہور : قومی کرکٹ ٹیم کے کھلاڑی یونس خان کو پاکستانی ٹیسٹ کرکٹ کی تاریخ کا سب سے کامیاب بلےبازبننے کیلئے صرف انیس رنز درکارہیں۔

مردان کا پٹھان یونس خان تاریخ رقم کرنے کے قریب پہنچ گیا۔قومی بیٹنگ لائن کا اہم ستون۔۔۔ جیسے ہھلانا بولرز کے بس کی بات نہیں۔ وکٹ پر جم جائیں تو کھیل کا نقشہ بدلنا بائیں ہاتھ کا کھیل بن جاتا ہے۔

درجنوں عالمی ریکارڈ اپنے نام کرنے والے یونس خان کی نظر ایک اور ریکارڈ پر ہیں، یونس خان نے 101 ٹیسٹ میچوں میں 54۔07کی اوسط سے8814 رنز بنائے ہیں جن میں 30 سنچریاں اور29 نصف سنچریاں شامل ہیں۔

جبکہ پاکستان پاکستان کی طرف سے ٹیسٹ کرکٹ میں سب سے زیادہ رنز بنانے کا ریکارڈ جاوید میانداد کا ہے جنہوں نے اپنے کریئر کا اختتام 124 ٹیسٹ میچوں میں 57 ۔52 کی اوسط سے 8832 رنز پر بنائے ہیں جن میں 23سنچریاں اور 43 نصف سنچریاں شامل تھیں۔

یونس خان کی 30 سنچریاں ٹیسٹ کرکٹ میں کسی بھی پاکستانی کھلاڑی کی سب سے زیادہ سنچریاں ہیں۔انضمام الحق کی پچیس سنچریوں کاریکارڈ توڑنے کے بعد مردان کے پٹھان کی نظریں جاویدمیانداد کے ریکارڈ پرہیں۔

انگلینڈ کیخلاف پہلے ٹیسٹ میں یونس خان انیس رنز بنانے کیلئے بے تاب ہیں۔ یونس خان انیس رنز بناکرجاوید میاندار کو پیچھے چھوڑدیں گےاور پاکستان کے لئے سب سے زیادہ رنز بنانےوالے کھلاڑی بن جائیں گے ۔

ایک سو ایک ٹیسٹ میں تیس سنچریاں جڑنے والے یونس خان سینکڑوں ریکارڈ اپنے نام کرچکے ہیں۔ جو دنیا کا کوئی کھلاڑی نہ کرسکا۔ ٹیسٹ کی چوتھی اننگز میں یونس خان پانچ سنچریاں جڑنے والے دنیا کے پہلے بلے باز بھی ہیں۔

Print Friendly, PDF & Email

Comments

comments

یہ بھی پڑھیں