لاہور : دورہ جنوبی افریقہ کے دوران سابق بیٹنگ کوچ یونس خان اور حسن علی میں کیوں جھگڑا ہوا؟ تفصیلات سامنے آگئیں، دونوں کے بیچ بچاؤ کیلئے ٹیم مینجمنٹ اور آفیشلز کو آنا پڑا۔
پاکستان کرکٹ بورڈ (پی سی بی) سے قومی کرکٹ ٹیم کے سابق بیٹنگ کوچ یونس خان کے مستعفی ہونے کے بعد ایک اور معاملہ سامنے آیا ہے ذرائع کا کہنا ہے کہ سابق کوچ کی ایک بالر سے تلخ کلامی بھی ہوئی تھی۔
ذرائع کے مطابق قومی ٹیم کے سابق بیٹنگ کوچ یونس خان اور بالر حسن علی کے درمیان ٹیم کے دورہ جنوبی افریقہ کے موقع پر شدید تلخ کلامی ہوئی جس کی تفصیلات سامنے آگئی ہیں۔
اے آر وائی نیوز کے نمائندہ خصوصی کھیل شعیب جٹ کے مطابق یونس خان کھلاڑیوں کو ڈسپلن کی خلاف پر کھری کھری سنا رہے تھے تو اس دوران حسن علی نے انہیں جواب دیا کہ ڈسپلن آپ کا کام نہیں، جس پر تلخ کلامی ہوئی۔
دونوں کے درمیان معاملے کو ٹھنڈا کرنے اور بیچ بچاؤ کیلئے ٹیم مینجمنٹ اور آفیشلز کو آنا پڑا، تلخ کلامی کے بعد یونس خان نے خود کو کمرے میں بند کرلیا تھا اور کسی بھی کوئی بات نہیں کی۔
A mess between Hassan Ali & Younis Khan happened on SA tour. pic.twitter.com/OL0HpXnLOk
— Shoaib Jatt (@Shoaib_Jatt) June 26, 2021
مزید پڑھیں : یونس خان کیوں مستعفی ہوئے؟ اے آر وائی نیوز نے پتہ لگالیا
بعد ازاں سینئر کرکٹرز کے سمجھانے پر حسن علی معذرت کیلئے گئے ان کے پاس گئے لیکن یونس خان نے حسن علی سے بات کرنے سے صاف انکار کردیا اور پورے دورے کے دوران یونس خان اور حسن علی میں بات چیت بند رہی۔
واضح رہے کہ یونس خان کو گزشتہ برس نومبر میں دو سالہ کانٹریکٹ پر آئی سی سی مینز ٹی 2022 ورلڈ کپ تک کے لیے کوچ مقرر کیا گیا تھا۔
یونس خان کے استعفے پر تبصرہ کرتے ہوئے پی سی بی کے چیف ایگزیکٹو وسیم خان نے کہا تھا کہ یونس کی صلاحیتوں اور تجربے کے ماہر سے محروم ہونا افسوسناک ہے۔
