کرناٹک: بھارتی ریاست کرناٹک میں ایک نوجوان نے تیندوے کے ساتھ دل دہلا دینے والی لڑائی لڑی اور آخر کار اس پر قابو پا لیا۔
تفصیلات کے مطابق سوشل میڈیا پر ایک ویڈیو گردش کر رہی ہے جس میں ایک نوجوان کو بھارتی ریاست کرناٹک میں ایک تیندوے کو رسیوں سے باندھ کر موٹر سائیکل پر لے جاتے ہوئے دیکھا گیا۔
یہ واقع جمعہ کو کرناٹک کے ضلع ہاسن میں ارسیکیرے تحصیل کے باگیوالو گاؤں میں پیش آیا، متھو نامی نوجوان اپنے کھیت میں فصل پر کیڑے مار دوا چھڑکنے گیا تھا، کہ درخت پر بیٹھے تیندوے نے اس پر حملہ کر دیا۔
نوجوان نے اپنی جان کی پرواہ نہ کرتے ہوئے اس کے ساتھ مقابلہ کیا اور آخر کار اس پر قابو پا لیا، اور اس کے پیر رسیوں سے باندھ کر موٹر سائیکل پر محکمہ جنگلات کے اہلکاروں کے پاس لے گیا۔
The young man tied the attacked leopard on a bike and handed it over to the forest officials
KARNATAKA – A young man named Venugopal alias Muthu hails from Hobli Bagivalu village of Gandasi, Arasikere taluk of Hassan district.#Karnataka #indatoday pic.twitter.com/QJJr2NL7Q7
— Banu Prakash (@B_N_PRAKASH_) July 16, 2023
محکمہ جنگلات کے مطابق انھوں نے زخمی تیندوے کا علاج کیا اور پھر اسے جنگل میں چھوڑ دیا گیا۔ خوں خوار درندے کے ساتھ مقابلے میں متھو نامی نوجوان کو چوٹیں بھی آئیں، جس پر اسے اسپتال جانا پڑا۔ محکمہ جنگلات کے اہلکاروں اور دیہاتیوں نے نوجوان کی ہمت کی داد دی۔
Hassan: A young man Himself catched a leopard and handed it over to the forest department.
#Karnataka #forest pic.twitter.com/UvPyLlCu56— Abid Momin عابد مومن (@AbidMomin313) July 15, 2023
