اسلام آباد: حکومت نے ظفر محمود منہاس کو وفاقی ڈرگ انالسٹ مقرر کردیا ، فیڈرل ڈرگ انالسٹ نئی دوائیں،ویکسین کاجائزہ لیکرسرٹیفکیٹ جاری کرتا ہے۔
تفصیلات کے مطابق وفاقی کابینہ نے ظفر محمودمنہاس کو وفاقی ڈرگ انالسٹ مقرر کرنےکی منظوری دے دی، سرکولیشن سمری کے ذریعے ظفر محمود منہاس کی تقرری کی منظوری دی گئی۔
سمری میں کہا گیا ظفر محمودمنہاس کو3ماہ کےلئےوفاقی ڈرگ انالسٹ مقررکیا گیا ہے، فیڈرل ڈرگ انالسٹ کی پوسٹ ایک ماہ سےخالی تھی، فیڈرل ڈرگ انالسٹ نئی دوائیں،ویکسین کا جائزہ لیکرسرٹیفکیٹ جاری کرتا ہے۔
ادویات میں ہارٹ اٹیک اور انجائنا کے مریضوں کی جان بچانے والی دوا ، انسولین، کتے کے کاٹنے کی ویکسین، ٹیٹنس کے ٹیکے گردن توڑ بخار کی ویکسین جبکہ ڈائیلائسس کرانے والے مریضوں کی ادویات بھی شامل ہیں۔
خیال رہے چند روز قبل ڈریپ کے چیف ایگزیکٹو آفیسر نے عارضی بنیادوں پر نیشنل کنٹرول لیبارٹری کا چارج گریڈ اٹھارہ کے ظفر محمود منہاس کو دے دیا تھا۔
