پاکستانی آئی سی سی پریزینٹر زینب عباس کے خلاف بھارت کا جھوٹا پروپیگنڈا کامیاب ہوگیا۔

آئی سی سی پریزینٹر زینب عباس نے بھارت چھوڑ دیا وہ اسوقت دبئی میں موجود ہیں، دوسری جانب آئی سی سی نے بھی پریزنٹر زینب عباس کے بھارت سے جانے کی تصدیق کردی۔

واضح رہے کہ ورلڈ کپ پریزینٹرز پینل میں پاکستانی زینب عباس کےخلاف بھارت میں بے بنیاد پراپیگنڈہ مہم چلائی گئی، بھارتی وکیل نے الزام لگایا تھا کہ زینب  نے ہندو مذہب اور بھارت کے خلاف سوشل میڈیا پر پیغامات لکھے۔

بھارتی وکیل نے سوشل میڈیا تبصروں کو زینب عباس سےمنسوب کرکے ان کاتبصرہ قرار دیا، بھارتی وکیل نے زینب عباس کے خلاف پرچہ کاٹنے کی درخواست بھی دے دی۔