وفاقی حکومت نے پاکستان کرکٹ بورڈ کی نئی مینجمنٹ کمیٹی تشکیل دیدی۔ ذکااشرف کو پی سی بی مینجمنٹ کمیٹی کا چیرمین مقرر کر دیا گیا۔

وفاقی کابینہ نے سمری سرکولیشن کے ذریعے مینجمنٹ کمیٹی بنانے کی منظوری دی۔

حکومت نے پی سی بی کے چیف الیکشن کمشنر احمد شہزاد فاروق رانا کو عہدے سے ہٹا دیا۔ پی سی بی کے نئے چیف الیکشن کمشنر محمود اقبال خاکوانی مقرر کیا گیا ہے۔

نئی مینجمنٹ کمیٹی 4 ماہ کےلئے بنائی گئی ہے۔ مینجمنٹ کمیٹی کرکٹ بورڈ کے آئی سی سی سمیت دیگر امور کو دیکھے گی۔

پی سی بی کی مینجمنٹ کمیٹی 10 رکنی ہے جس میں کلیم اللہ خان، اشفاق اختر، مصدق اسلام، عظمت پرویز، ظہیر عباس، خرم سومرو، خواجہ ندیم، مصطفی رمدے، ذولفقار ملک شامل ہیں۔

نئی مینجمنٹ کمیٹی کا پہلا اجلاس بلا لیا گیا جو کل لاہور میں ہوگا۔ پی سی بی چیرمین کے الیکشنز اور ذکاء اشرف کی اہلیت کا معاملہ پہلے ہی عدالتوں میں زیر التواء ہے۔