دوحا : امریکا کے خصوصی نمائندے زلمے خلیل زادنے کہا ہے کہ اقوام متحدہ کی سیکورٹی کونسل نے طالبان امریکا معاہدے اور امریکا افغان حکومت کے مشترکہ اعلامیے کے حق میں متفقہ قرارداد منظورکرلی ہے۔
تفصیلات کے مطابق امریکا کے خصوصی نمائندے زلمے خلیل زاد نے سماجی رابطے کی ویب سائٹ ٹوئٹر پر اپنے بیان میں کہا سلامتی کونسل نےقراردادمنظورکرلی ہے، قرارداد معاہدے اور امریکا افغان حکومت کے مشترکہ اعلامیہ پرمنظورکی گئی۔
Today the @UN Security Council unanimously adopted a resolution in support of the agreement we signed last week with the Taliban and the US-Afghan government joint declaration.
— U.S. Special Representative Zalmay Khalilzad (@US4AfghanPeace) March 11, 2020
زلمے خلیل زاد کا کہنا ہے کہ قرارداد میں افغان حکومت اورافغان طالبان پراعتمادسازی کے اقدامات جاری رکھنے اور جلد انٹرا افغان مذاکرات شروع کرنے پرزوردیا گیا۔
The resolution demonstrates the international community supports our approach to security for the world from Afghanistan. And peace, unity, and sovereignty for the Afghan people.
Read it here: https://t.co/bTRIBFy1OT
— U.S. Special Representative Zalmay Khalilzad (@US4AfghanPeace) March 11, 2020
امریکا کے خصوصی نمائندے نے مزید کہا کہ قرارداداس بات کا اظہارہے کہ عالمی برادری افغانستان کے حوالے سے عالمی سیکورٹی پرہمارے موقف کی حمایت کرتی ہے، عالمی برادری افغان عوام کے لئے امن اوراتحاد کی بھی حامی ہے۔
مزید پڑھیں : اقوام متحدہ نے امریکا طالبان معاہدے کی توثیق کر دی
یاد رہے اقوام متحدہ سیکیورٹی کونسل نے امریکاطالبان معاہدےکی توثیق کردی ، امریکاکی جانب سےپیش کردہ قراردادمتفقہ طورپرمنظورکی گئی، قراردادمیں طالبان،افغان حکومت پر اعتمادسازی کیلئےاقدامات جاری رکھنے پر زور دیا گیا ہے۔
خیال رہے امریکا اور طالبان کے درمیان کامیاب مذاکرات کے بعد برسوں سے خانہ جنگی کے شکار ملک افغانستان سے امریکی افواج کا انخلا بھی بالآخر شروع ہو رہا ہے۔
افغانستان میں امریکی افواج کے ترجمان کرنل سونی لیگیٹ نے اپنے بیان میں کہا تھا کہ معاہدے کے تحت امریکی افواج کی تعداد میں مشروط کمی کر رہے ہیں، افغانستان میں 12 سے 13 ہزار امریکی فوجی تعینات ہیں، ابتدائی طور پر امریکی افواج کی تعداد گھٹا کر 8600 کی جائے گی۔
