پاکستان کے ابھرتے ہوئے اسٹار فاسٹ بولر زمان خان نے ٹی ٹوئنٹی کرکٹ میں شاداب خان کا ریکارڈ توڑ دیا۔
زمان خان بگ بیش لیگ (بی بی ایل) سیزن 13 میں سڈنی تھنڈر کی نمائندگی کر رہے ہیں وہ نہ صرف اس سال سب سے زیادہ وکٹیں لینے والے بولر کے طور پر سامنے آئے ہیں بلکہ انہوں نے لیگ اسپنر شاداب کے قائم کردہ ٹی ٹوئنٹی کرکٹ ریکارڈ کو بھی پیچھے چھوڑ دیا ہے۔
اس سیزن میں اپنی 62 ویں وکٹ حاصل کرنے کے بعد، زمان نے گزشتہ سال شاداب کے 61 وکٹوں کا ریکارڈ توڑ دیا۔
دلچسپ بات یہ ہے کہ اس باوقار فہرست میں تیسری پوزیشن مشترکہ طور پر پاکستان کے سابق آل راؤنڈر اظہر محمود، سابق فاسٹ بولر وہاب ریاض اور حارث رؤف کے پاس ہے جن کی مجموعی طور پر 60 وکٹیں ہیں۔
میلبورن اسٹارز کے خلاف بی بی ایل 13 میچ میں، 22 سالہ نوجوان نے تین اہم وکٹیں حاصل کیں۔ ان میں کپتان گلین میکسویل کا آؤٹ شامل ہے جو 30 رنز بنانے کے بعد یارکر پر آوٹ ہوئے، ہلٹن کارٹ رائٹ 22 رنز پر اور جوناتھن مرلو 2 رنز بنا کر آؤٹ ہوئے۔
زمان خان کو شاندار بولنگ کرنے پر میچ کا بہترین کھلاڑی قرار دیا گیا۔
انہوں نے 79 ٹی 20 میچ میں 100 ٹی ٹوئنٹی وکٹ حاصل کی ہیں، پی ایس ایل میں زمان خان لاہور قلندرز کی نمائندگی کریں گے۔
