پاکستان کرکٹ ٹیم کے نوجوان فاسٹ بولر زمان خان نے کہا ہے کہ سخت محنت کرکے قومی ٹیم میں جگہ بنائی ہے۔
فاسٹ بولر زمان خان نے اے آروائی نیوز سے خصوصی گفتگو میں کہا کہ شعیب اختر کو دیکھ کر بولر بننے کا جنون پیدا ہوا، انہیں میں بچپن سے دیکھتا ہوا آرہا ہوں، میرے بولنگ کرانے کا اسٹائل نیچرل ہے اور اسی اسٹائل کو نکھارنے کی پریکٹس کرتا ہوں۔
View this post on Instagram
فاسٹ بولر نے کہا کہ میں نے ایسا وقت بھی دیکھا جب جوتے خریدنے کیلئے پیسے بھی نہیں تھے، ایک بار نائٹ میچ میں، میں نے چپل پہن کر بولنگ کرائی، بعد میں جب پیسہ آیا تو راستے ہموار ہوتے چلے گئے۔
فاسٹ بولر زمان خان نے کہا کہ کہا سخت محنت کرکے پاکستان ٹیم میں جگہ بنائی، مستقبل میں موقع ملا تو بھارت اور آسٹریلیا کے کھلاڑیوں کو ڈیتھ آوور میں آؤٹ کروں گا۔
زمان خان نے اے آر وائی سے ڈربی شائر میں کھینے کا تجربہ بھی شیئر کیا، انہوں نے کہا کہ وہاں پہلی دفعہ کھیلا کاؤنٹی کرکٹ میں 25 وکٹیں لیں، وہاں غیر ملکی کھلاڑیوں سے بہت کچھ سیکھا ہے۔
