جنوبی افریقا کے ملک زیمبیا میں سڑک کنارے 27 تارکین وطن کی لاشیں برآمد ہوئیں ہیں۔
جنوبی افریقا ملک زیمبیا میں ایک سڑک کنارے 27 افراد کی لاشیں برآمد ہوئیں ہیں، اس حوالے سے یہ شبہ ظاہر کیا جارہا ہے کہ ہلاک ہونے افراد تاریکین وطن ہیں جن کا تعلق ایتھوپیا سے ہے۔
زیمبین پولیس کے مطابق دارلخلافہ کے قریبی علاقے میں ایک زرعی اراضی میں سڑک کنارے 27 افراد کی لاشیں بر آمد ہوئیں ہیں جن کا تعلق ایتھوپیا سے ہے۔
پولیس کا کہنا ہے کہ لاشوں کے قریب انتہائی تشویشناک حالت میں ایک زندہ شخص بھی موجود تھا جسے انتہائی تشویشناک حالت میں طبی امداد کے لیے اسپتال منتقل کردیا گیا ہے۔
پولیس کے مطابق ہلاک ہونے والے تمام افراد مرد ہیں جس کی عمر 20 سے 38 سال کے درمیان ہے، شبہ ہے کہ بھوک اور کمزوری کی وجہ سے ان تمام افراد کی موت ہوئی ہے۔
واضح رہے کہ ایتھوپیائی مہاجرین جنوبی افریقا سمیت کسی دوسرے ملک ہجرت کرنے کیلئے اکثر زیمبیا کا راستہ اختیار کرتے ہیں۔
