The news is by your side.

Advertisement

زرنش خان ساتھی اداکاراؤں پر برس پڑیں

پاکستان شوبز انڈسٹری کی مشہور اداکارہ زرنش خان نے کاسمیٹکس کرانے والی اداکاراؤں پر تنقید کرتے ہوئے کہا ہے کہ وہ سب بطخ بن چکی ہیں۔

نوجوانوں میں مقبول پاکستان کی نامور اداکارہ نے یہ متنازع بیان ایک ویب شو میں دیا جہاں انہوں نے مہمان کے طور پر شرکت کی تھی۔

پروگرام کے دوران میزبان نے ان سے چہرے کی خوبصورتی بڑھانے کے لیے پلاسٹک سرجری کروانے سے متعلق سوال کیا جس پر اداکارہ نے انوکھا ہی جواب دیا۔

زرنش خان نے کہا کہ ’’میں نے کبھی اپنے چہرے کو تبدیل کرنے کے بارے میں نہیں سوچا ہے آپ دس سال بعد بھی مجھے دیکھیں گے تو میں ایسی ہی نظر آؤں گی‘‘۔

اس موقع پر انہوں نے پلاسٹک سرجری کرانے والی اداکاراؤں کو کڑی تنقید کا نشانہ بنایا۔

ان کا کہنا تھا کہ ’’معذرت کے ساتھ، لیکن انہیں انسانی شکل پر بطخ کے ہونٹ نہیں چاہئیں، ہماری تمام اداکارائیں بطخ بن چکی ہیں۔

زرنش نے یہ بھی کہا کہ ’’یہ تمام اداکارائیں پہلے بہت خوبصورت ہوا کرتی تھیں لیکن اب نہ جانے ان کے ساتھ کیا ہوا ہے‘‘۔

Comments

یہ بھی پڑھیں