The news is by your side.

زرنش خان کو بابر اعظم کی نقل اتارنا مہنگا پڑ گیا

شوبز انڈسٹری کی نامور اداکارہ زرنش خان کو قومی ٹیم کے کپتان بابر اعظم کی نقل اتارنا مہنگا پڑ گیا۔

پاکستانی ڈرامہ انڈسٹری کی معروف اداکارہ زرنش خان کی انسٹاگرام پر ویڈیو وائرل ہورہی جس میں انہیں بابر اعظم کی نقل اتارنے پر صارفین کی جانب سے تنقید کا سامنا ہے۔

زرنش خان سے مداحوں نے سوالات پوچھے ایک مداح نے سوال کیا کہ ’وہ ایک ماہ میں کتنا کما لیتی ہیں، جس کے جواب میں اداکارہ نے بابر کی نقل اتارتے ہوئے کہا کہ ’وہ یہ تو نہیں بتاسکتیں کہ ان کی ایک ماہ کی تنخواہ کتنی ہے مگر وہ مداحوں اور فالوورز کی سوچ سے کم ہی کماتی ہیں۔‘

 

View this post on Instagram

 

A post shared by Galaxy Lollywood (@galaxylollywood)

اس ویڈیو کا سوشل میڈیا پر اپلوڈ ہونا ہی تھا کہ صارفین کی جانب سے ان پر تنقید کے نشتر برسا دیے گئے کہ انہوں نے بابر اعظم کی نقل کی ہے۔

واضح رہے کہ گزشتہ دونوں قومی کرکٹ ٹیم کے کپتان اور مایہ ناز بلے باز بابر اعظم کی ایک ویڈیو پی سی بی نے ٹوئٹر پر شیئر کی تھی۔

اس ویڈیو میں بابر اعظم اُن سوالات کے جواب دے رہے تھے جو کہ سرچ انجن گوگل پر اُن کے بارے میں سب سے زیادہ سرچ کیے جاتے ہیں۔

اس دوران بابر اعظم نے کمائی سے متعلق پوچھے گئے سوال کے جواب مُسکراتے ہوئے کہا تھا کہ ’میں آپ کی سوچ سے کم ہی کما تا ہوں۔‘

Comments

یہ بھی پڑھیں