نیدرلینڈز اور ڈنمارک نے یوکرین کو ایف 16 طیاروں کی فراہمی کا اعلان کر دیا ہے، جس کے بعد یوکرینی صدر ولودیمیر زیلنسکی نے دونوں ممالک کا دورہ کیا، ڈنمارک میں یوکرینی صدر ایف سولہ طیارے کے کاک پٹ میں بھی بیٹھے۔
غیر ملکی میڈیا رپورٹس کے مطابق نیدرلینڈز اور ڈنمارک نے اتوار کو اعلان کیا ہے کہ وہ یوکرین کو F-16 جنگی طیارے دیں گے، یہ وہ اعلان ہے جس کا یوکرین کی جانب سے شدت سے انتظار کیا جا رہا تھا، صدر زیلنسکی نے اس اعلان کو ملکی افواج کے لیے بہت حوصلہ افزا قرار دیا۔
ڈنمارک کے دورے کے موقع پر صدر زیلنسکی ایف سولہ کے کاک پٹ میں بھی جا کر بیٹھے، اور اپنے ساتھ ڈینش وزیرِ اعظم میٹ فریڈرکسن کو بھی ساتھ بٹھا لیا۔
The Netherlands and Denmark will give F-16 fighter jets to Ukraine, the Dutch prime minister says. Pilot Zelensky was allowed to sit in the cockpit of one of them. pic.twitter.com/YMzA7oiKhG
— Marinochka🇷🇺🇷🇺🇷🇺 (@joiedevivre789) August 20, 2023
لڑاکا طیاروں کا یہ وعدہ روسی افواج کی جانب سے یوکرین کے شمالی شہر چرنیہیو میں ایک تھیٹر پر میزائل حملے کے بعد سامنے آیا ہے، میزائل حملے میں 7 افراد ہلاک ہو گئے تھے جن میں ایک 6 سالہ بچی بھی شامل تھی، جب کہ تقریباً 150 زخمی ہو گئے تھے۔
Zelensky in the Netherlands lied to the whole world
Dutch Prime Minister Mark Rutte denied Zelensky's words about the supply of 42 F-16 fighter jets to Ukraine .
According to Reuters, Rutte said that the country now has only 42 F-16 aircraft and the Netherlands cannot yet… pic.twitter.com/G76XCpIXB5
— Sprinter (@Sprinter99800) August 20, 2023
ڈنمارک کے وزیر اعظم نے کہا کہ امید ہے کہ 6 لڑاکا طیارے نئے سال کے آس پاس فراہم کیے جا سکیں گے، مزید 8 اگلے سال اور باقی پانچ 2025 میں فراہم کر دیے جائیں گے۔
