بنگلورو : کھانا دیر سے پہنچانے کے معاملے پر ڈلیوری بوائے کی جانب سے خاتون پر تشدد کے معاملہ پر اہم پیشرفت سامنے آئی ہے، ملزم نے الزامات کی تردید کرتے ہوئے خاتون کیخلاف ہی مقدمہ دائر کرادیا۔
بھارتی ریاست کرناٹک کے بنگلورو میں ڈلیوری بوائے کامراج پر حملہ کرنے کا الزام عائد کرنے والی خاتون ہتیشا چندرانی اب خود مشکل میں پھنستی ہوئی نظر آرہی ہیں، ان کے خلاف الیکٹرانک سٹی پولس اسٹیشن میں کامراج کی مدعیت میں مقدمہ درج کرلیا گیا ہے۔
بھارتی میڈیا کے مطابق ڈلیوری بوائے کامراج نے ہیتیشا چندرانی کے خلاف اسی تھانے میں رپورٹ درج کراتے ہوئے الزام عائد کیا ہے کہ خاتون نے اسے مغلطات بکیں اور چپل ماری۔
Karnataka: FIR filed against Hitesha Chandrani, who had accused Zomato delivery boy Kamaraj of attacking her, at Bengaluru’s Electronic City Police Station under Section 355 (assault), 504 (insult) & 506 (criminal intimidation) of IPC; FIR registered on Kamaraj’s complaint
— ANI (@ANI) March 15, 2021
ڈلیوری بوائے کی شکایت کے بعد خاتون کے خلاف تعزیرات ہند کی مختلف شقوں کے تحت مقدمہ درج کرلیا گیا ہے جس میں دفعات 341 (غلط پابندی) 355 (بے عزتی کرنے والے کے ارادے پر حملہ یا مجرمانہ قوت) اور 504(ارادے سے جان بوجھ کر توہین) شامل ہیں۔ امن کی خلاف ورزی کو اکسانا)۔ شامل ہیں۔
علاوہ ازیں ڈلیوری بوائے کی شکایت کے بعد سوشل میڈیا صارفین دونوں حصوں تقسیم ہوگئے ہیں کچھ نے خاتون کا ساتھ دیا تو کوئی ڈلیوری بوائے کو حق پر سمجھ رہا ہے تاہم پولیس واقعے کی مزید تحقیقات کررہی ہے۔
دوسری جانب سوشل میڈیا پر وائرل ایک ویڈیو میں ڈلیوری بوائے کا بیان سامنے آیا ہے کہ جس میں وہ جذباتی انداز میں روتے ہوئے لوگوں سے اپیل کررہا ہے کہ مجھ پر قائم جھوٹا مقدمہ ختم کراوایا جائے۔
مزید پڑھیں : ڈلیوری بوائے کے حملے میں خاتون کی ناک ٹوٹنے کے واقعے میں بڑی پیش رفت
سوشل میڈیا پر وائرل ہونے والی اس ویڈیو میں کامراج نے بتایا کہ اس کے والد کا15 سال قبل انتقال ہوچکا ہے اس کی والدہ بوڑھی اور شوگر کی مریضہ ہیں اور میں گھر کا واحد کفیل ہوں۔
اس نے اپیل کی کہ میں غریب انسان ہوں میری نوکری بحال کی جائے، میں پر امن زندگی گزارنا چاہتا ہوں۔
