شوبز انڈسٹری کی معروف اداکارہ زباب رانا نے کتاب شیئر کردی جسے کا مطالعہ وہ آج کل کررہی ہیں۔
فوٹو اور ویڈیو شیئرنگ ایپ انسٹاگرام پر اداکارہ زباب رانا نے تصویر شیئر کی جس میں وہ کتاب بھی موجود ہیں جس کا مطالعہ وہ آج کل کررہی ہیں۔
انہوں نے لکھا کہ ’دھیمے دن کی ردھم میں کھو گئیں۔‘
زباب رانا نے چند گھنٹوں قبل یہ تصاویر شیئر کی ہیں جسے ہزاروں کی تعداد میں مداح دیکھ چکے ہیں اور تعریفی کمنٹس بھی کررہے ہیں۔
اس سے قبل انہوں نے اپنی ویڈیو شیئر کی تھی جس میں انہیں سفید لباس پہنے گھر کے باہر پنجابی گانے سے لطف اندوز ہوتے دیکھا جاسکتا ہے۔
انہوں نے بتایا کہ میرا موجودہ جنون پنجابی گانے سننا ہے۔
ایک انٹرویو میں زباب رانا نے کہا تھا کہ ’میرا اسکول میں دِل نہیں لگتا تھا، میری کوشش ہوتی تھی کہ کلاس سے غائب ہوجاؤں، ایک دن ایسا ہی ہوا، میری والدہ مجھے اسکول چھوڑ کر گئیں۔
’’ ان کا کہنا تھا کہ میں چوں کہ پڑھائی میں کم زور تھی، تو ٹیچر مجھے کلاس میں سب سے آگے بٹھاتی تھیں، جیسے ہی ٹیچر بچوں کی کاپیز چیک کرنے پیچھے کی جانب گئیں، میں کلاس سے نکلی اور سیدھی گھر آگئی، امی نے پوچھا، تو میں نے انہیں بتایا کہ اسکول کی جلدی چھٹی ہوگئی ہے‘‘
اپنی تعلیم کے حوالے سے اداکارہ نے بتایا کہ ابتدائی تعلیم میں نے لاہور سے حاصل کی اس کے بعد پنجاب یونیورسٹی لاہور سے بی ایس آنرز کیا۔
