کراچی : پیپلز پارٹی کے سابق رہنما ذوالفقار مرزا کا کہنا ہے کہ زرداری سےدوبارہ دوستی نہیں کرنا چاہتا ہوں، اگر آصف زرداری سے دوستی ہوگئی تو بہت سےلوگوں کی نوکریاں چلی جائیں گی۔
تفصیلات کے مطابق پیپلز پارٹی کے سابق رہنما ذوالفقار مرزا کی انسدادی دہشت گردی عدالت میں پیشی کے موقع پر میڈیا سے گفتگو کرتے ہوئے کہا کہ پرانے دوستوں سے دوبارہ دوستی کیلئے کسی نے کوئی کوشش نہیں کی۔
ذوالفقارمرزا کا کہنا تھا کہ نہ زرداری سےدوبارہ دوستی کرنا چاہتا ہوں نہ ہی ان کے پاس اتنا وقت ہے، آصف زرداری سے دوستی ہوگئی تو بہت سےلوگوں کی نوکریاں چلی جائیں گی۔
الیکشن میں حصہ لینے کے سوال پر انھوں نے کہا کہ ابھی الیکشن لڑنے کا کوئی ارادہ نہیں ہے، حکومت کی پرفارمنس کا پتا کرنا ہے تو کسی بھی عام آدمی سے پوچھا جاسکتا ہے۔
اس سے قبل انسدادی دہشت گردی کی عدالت میں ذوالفقار مرزا کے خلاف بدین میں تھانے پر حملےکیس کی سماعت ہوئی ، استغاثہ کےگواہ کی عدم حاضری پر عدالت نے سماعت بغیر کسی کارروائی ملتوی کردی گئی۔
کراچی:عدالت نے آئندہ سماعت 4 ستمبر تک ملتوی کرتے ہوئے فریقین کو آئندہ سماعت پر حاضری یقینی بنانے کا حکم دے دیا۔
