اسلام آباد میں کسٹم کی ٹیم پر اسمگلروں نے حملہ کیا اور ڈپٹی سپرنٹینڈنٹ سمیت چاراہلکاروں کواغواء کرلیا۔ تھانہ ترنول کے علاقے میں اسمگلروں نے موٹروے پاکستان چوک کے قریب کسٹم اہلکاروں پرفائرنگ کی اور ڈپٹی سپرنٹینڈنٹ سمیت چاراہلکاروں کو کواغواء کرلیا۔
پولیس نے موقع پرپہنچ کرتین مبینہ اسمگلروں کوگرفتارکرلیا۔ اسمگلروں کے نام رحمت،عمران اورعظمت بتائے گئے ہیں۔ اس سے قبل کسٹم حکام نے ایک کنٹینرکوتحویل میں لے کراس میں سے دوکروڑمالیت کاکپڑااورالیکٹرانکس کاسامان برآمد کرکےتین ملزمان کو گرفتارکرلیا۔
