فلوریڈا:اسٹرابیری ایک اچھا پھل ہونے کے ساتھ ساتھ بہتر دوا بھی ہے، سرخ رنگ کی کٹھی میٹھی اسٹرابیری جتنی دیکھنے میں دلکش ہے اس سے کہیں زیادہ صحت بخش بھی ہے،اسٹرابیری کا استعمال ہائی بلڈ پریشر کے مریضوں کیلئے مفید قرار دیا گیا ہے۔
امریکہ کی فلوریڈا یونیورسٹی کے ماہرین کی جانب سے کی گئی ایک تحقیق کے مطابق اسٹرابیری کا بلا ناغہ استعمال ہائی بلڈ پریشر کے مریضوں کیلئے دوا کا سا کام کرتا ہے۔
تحقیق کے مطابق اسٹرابیری میں موجود اینٹی آکسیڈنٹس رگوں میں خون کی روانی کو کم کر کے متوازن کرنے میں مددگار ثابت ہوتا ہے، جس سے ہائی بلڈ پریشر سے نجات حاصل کرنے میں مدد ملتی ہے۔
ماہرین کے مطابق تحقیق کے دوران ہائی بلڈ پریشر کی شکار ساٹھ خواتین کو دو مہینے تک روزانہ اسٹرابیری کھلائی گئی جس کے حیرت انگیز نتائج سامنے آئے ہیں۔
اس میں موجود فلیو نائڈز مزمن امراض سرطان،امراض قلب، بلند فشار خون، دانتوں کے مراض اور ہڈیوں کی کمزوری میں بھی بہت مفید ہیں۔
اسٹرابیری میں موجود وٹامن انسانی جسم کو بھر پور توانائی فراہم کرتے ہیں اور بیماریوں سے بچائے رکھتے ہیں۔
