فتح اللہ: بنگلادیش بورڈ الیون نے پاکستان کو سنسنی خیز مقابلے کے بعد ایک وکٹ سے ہرادیا۔
دورہ بنگلادیش میں پاکستان ٹیم کوپہلا دھچکا مل گیا، بنگلادیش بورڈ الیون شاہینوں کا شکار کرنے میں کامیاب ہوگئی،فتح اللہ میں پاکستان نے ٹاس جیت کر بیٹنگ کا فیصلہ کیا تو محمد حفیظ اور اظہر علی نے چھیاسٹھ رنز کا آغاز فراہم کیا۔
اظہر علی نے انچاس گیندوں پر صرف ستائیس رنز بنانے کی زحمت کی، مڈل آڈر بلے باز بھی رسمی طور پر وکٹ پر آئے،حفیظ پچیاسی رنز کے ساتھ ٹاپ اسکورر رہے، فواد عالم کی ناقابل شکست نصف سنچری کی بدولت قومی ٹیم نو وکٹ پر دو سو اڑسٹھ رنز بناسکی۔
جواب میں بنگلادیش بورڈ الیون کی چار وکٹیں اکیاسی رنز پر پویلین لوٹ گئی، اس موقع پر صابررحمان نے ایک سو تیئس رنز جارحانہ اننگز کھیل کر میچ کا نقشہ بدل دیا۔
جنید خان نے یکے بعد دیگرے تین مہرے کھسکا کر کم بیک کیا، لیکن سوہاگ غازی کی ذمہ دارنہ اننگز نے بی سی بی بورڈ الیون کو ایک وکٹ سے کامیابی دلوادی۔
