لاہور: امام کعبہ شیخ خالد الغامدی چار روزہ دورے پر سعودی عرب سے لاہور پہنچ گئے۔
وزیراعلی پنجاب شہبازشریف کی دعوت پر پاکستان کے دورے کے دوران امام کعبہ مختلف شخصیات سے ملاقاتیں کریں گے اور بالخصوص بحریہ ٹاؤن مسجد میں نماز جمعہ پڑھائیں گے۔
امام کعبہ وزیراعلی پنجاب شہبازشریف سے ملاقات سمیت بادشاہی مسجد میں بھی نماز پڑھائیں گے، اپنے دورے کے دوران امام کعبہ جامعہ اشرفیہ کا دورہ بھی کریں گے۔
