ممبئی: بھارتی پارلیمنٹ کی حدود میں ڈرون کی پرواز نے بھارتیوں کو حواس باختہ کردیا۔
بھارتی پارلیمنٹ کے اوپر نامعلوم ڈرون کی پرواز نے بھارت میں ہلچل مچادی، بھارتی میڈیا کے مطابق ڈرون نو فلائی زون میں پرواز کر رہا تھا۔
بھارتی میڈیا نے دعوی کیا ہے کہ بھارت کی پارلیمنٹ کی حدود میں ڈرون نے پرواز کی ہے،جس سے بھارتیوں میں خوف و ہراس پھیل گیا۔
- Advertisement -
عینی شاہدین کا کہنا ہے کہ ایک غیر ملکی کو وجے چوک پر ڈرون اڑاتے دیکھا گیا ہے،بھارتی پولیس نے غیر ملکی شخص کی تلاش شروع کردی۔
میڈیا رپورٹس کے مطابق واقعے کے بعد سیکورٹی حکام کی دوڑیں لگ گئیں اور معاملے کی تحقیقات شروع کردی گئی جبکہ پارلیمنٹ کی سیکورٹی مزید بڑھا دی گئی ہے ۔
