قاسم ضیا اولمپئین تھے تو ان کی بیٹی فاسٹ اینڈ فیورس نکلیں،انعم ضیا نے گاڑی کیا ریورس کی پولیس اہلکار کے چھکے چھڑا دئے بیچارہ اسپتال کے وارڈ میں پہنچ گیا ہے۔
قاسم ضیا کی بیٹی انعم گھر سے نکلیں تو تھیں اپنی سہیلی کو بیٹی کی مبارکباد دینے لیکن پہنچ گئیں تھانے اور وہ بھی سلاخوں کے پیچھے ، انعم نے اے آر وائی کو بتایا کہ گاڑی کو ٹکر کیسے لگی ، انعم کے والد فل بیک تھے لیکن بیٹی نے سینڑفارورڈ ہونے کا ثبوت دیا۔
پولیس نے لائسنس مانگا تو کہا انکے بیگ میں ٹافیوں اور فارن آئیٹمز کے سوا کچھ بھی نہیں، انعم نے ڈرائیونگ انگلینڈ میں سیکھی اور ٹکر ماری ماڈل ٹائون میں ان کے پاس پاکستان کا ڈرائوینگ لائسنس بھی نہیں ہے۔
واقعے کے بعد پولیس نے انعم ضیاء کو حراست میں لے لیا اور انکے خلاف معمولی نوعیت کے حادثے کی ایف آئی آر درج کرلی اور زخمی پولیس کانسٹیبل اشفاق کو طبی امداد کے لئے اسپتال منتقل کر دیا۔
قاسم ضیا کو خبر ہوئی تو دوڑے دوڑے تھانے پہنچ گئے یہاں ایک راز اور کھلا کہ انعم کے زیر استعمال گاڑی ان کی اپنی نہیں بلکہ ہاکی فیڈریشن کی ملکیت ہے۔
نیوز دیکھنے کے لئے درج ذیللنک پر کلک کریں
http://videos.arynews.tv/ppp-leaders-daughter-arrested-in-lahore-accident-case/
