دبئی : نیوزی لینڈ کے خلاف تیسرے ٹیسٹ میں ناکامی نے پاکستان کو آئی سی سی رینکنگ میں چوتھے نمبر پر دھکیل دیا۔آئی سی سی ٹیسٹ رینکنگ میں جنوبی افریقہ کی ٹیم بدستور پہلے اور آسٹریلیا دوسرے نمبر پر پراجمان ہے۔
کیویز کے خلاف تیسرے ٹیسٹ میں شکست کے باعث پاکستانی ٹیم ایک درجہ تنزلی کے بعد چوتھے نمبر پر چلی گئی ہے۔ سیریز شروع ہونے سے قبل قومی ٹیم کا نمبر تیسرا تھا۔
پاکستان سیریز جیت کر تیسری پوزیشن مستحکم کرسکتا تھا لیکن شارجہ میں کیویز نے پہلے ٹیسٹ کی شکست کا بدلہ لے لیا۔ انگلینڈ نے گرین شرٹس کی جگہ تیسری پوزیشن پر قبضہ جمالیا ہے۔
- Advertisement -
سری لنکا پانچویں اور بھارت چھٹے نمبر پر موجود ہے۔ نیوزی لینڈ کا چورانوے پوائنٹس کے ساتھ ساتواں نمبر ہے
