وزیراعلیٰ خیبرپختونخوا نے وزیراعظم کو ایک خط لکھا ہے جس میں مطالبہ کیا ہے کہ پیسکو ہی نہیں خیبرپختونخوامیں بجلی کےتمام شعبہ جات صوبائی حکومت کے حوالےکیئے جائیں۔
بجلی کو بجلی کی طرح کنٹرول کون کرے گا، کون روکے کاچوری اور کون بڑھائے گاریکوری، وزیراعلیٰ خیبرپختونخوا نے پیسکوکو صوبائی حکومت کے حوالے کرنے سے متعلق گیارہ نکاتی تجاویزدے دیں، پرویز خٹک کہتے ہیں صرف پیسکو ہی نہیں خیبرپختونخوامیں بجلی کےتمام شعبہ جات حوالےکیےجائیں۔
پرویزخٹک نے خط میں مؤقف اختیارکیاہےکہ خیبرپختونخوا سستی اوروافربجلی پیداکرتاہے لیکن اس کے باوجود عوام کوبجلی کی قلت کاسامناہے، پیداوار،تقسیم اورٹرانس میشن کےاختیارات بھی خیبرپختونخوا حکومت کو منتقل کیےجائیں،اور قابل ادائیگی رقوم کی فراہمی یقینی بنائی جائے، وزیراعظم نوازشریف پیسکو کو صوبائی حکومت کے حوالے کرنے سے متعلق اصولی منظوری دے چکے ہیں۔
