نئی دہلی :پاکستان کے خلاف جنگی جنون کو ہوا دینے میں صرف بھارتی سرکارہی نہیں میڈیا بھی پیش پیش ہے، بھارتی میڈیا نے موجود تناؤ کا ذمہ دار پاکستان کو قراردیا ہے۔
مودی سرکارکے حکم کے مطابق بھارتی میڈیا بھی پاکستان کے خلاف جنگی جنون کو بڑھانے میں بڑھ چڑھ کرکردار ادا کررہا ہے، قومی اسمبلی میں بھارتی وزیراعظم کے خلاف قرارداد کو بھارتی میڈیا نے ہدف تنقید بناتے ہوئے امن کے لئے نقصان دہ قراردے دیا۔
بھارتی اخبار ہندوستان ٹائمز کا کہنا ہے کہ پاکستان کے زہر اگلنے سے امن کو نقصان پہنچے گا۔
سی این این آئی بی این نے بھی پاکستان کی بھارتی وزراء کے بیانات پر تنقید کو ہدف ملامت بنایا، دیگر بھارتی چینلز بھی پاکستان دشمنی میں پیچھے نہیں اور پاکستان کے خلاف عوام کو اکسانے اورجنگی ماحول بنانے میں بھرپورحصہ لے رہے ہیں۔
دوسری جانب بھارتی میڈیا نے اپنی حکومت کے جھوٹ کا پول بھی کھول دیا، بھارتی میڈیا کا کہنا ہے برما میں بھارتی فوج کا آپریشن ناکام رہا تاہم حکومت نے کامیابی کا جھوٹا دعوہ کیا۔
