دبئی: ریت کے طوفان نے فضا کو آلودہ کردیا، ہر طرف اندھیرا چھانے سے گاڑیاں ٹکرا گئیں اور کئی افراد زخمی ہوگئے۔
دبئی میں صبح سویرے اچانک ریت کا طوفان اُمڈ آیا، مٹی اور ریت کے اس طوفان نے دیکھتے ہی دیکھتے شہر بھر کو اپنی لپیٹ میں لے لیا، مٹی کے طوفان کے باعث حدِ نگاہ انتہائی کم ہوگئی اور ٹریفک کی روانی بھی متاثر ہوئی جبکہ سینکڑوں پروازیں بھی منسوخ کردی گئی ہیں۔
طوفان کی وجہ سے اسکول اور دفاتر کو بھی بند کردیا گیا ہے، اندھیرا چھانے کے باعث کئی گاڑیاں آپس میں ٹکرانے سے متعدد افراد زخمی ہوئے۔
- Advertisement -
غیرملکی میڈیا کے مطابق تیزہواؤں سے سمندر میں طغیانی کا خدشہ بڑھ گیا ہے، دبئی ڈیزاسٹر منیجمنٹ اتھارٹی نے ریت کے طوفان کے دوران بچوں اور بڑوں کوگھروں میں رہنے کی ہدایت کی ہے۔
ریت کے طوفان کا سلسلہ رواں ہفتے برقرار رہنے کا اندیشہ ہے۔
