کراچی: ایل پی جی مارکیٹنگ کمپنیز نے دو روز میں ایل پی جی کی قیمت میں دوسری بار اضافہ کر دیا۔
چیرمین آل پاکستان ایل پی جی ڈسٹری بیوٹرز ایسوسی ایشن عرفان کھوکھرکےمطابق ایل پی جی کی قیمت میں 5 روپے فی کلو کا پھر اضافہ کردیا گیا جس کے بعد دو روز میں ایل پی جی کی قیمت میں پچیس روپے فی کلو کا اضافہ ہوگیا ہے۔
حالیہ اضافے کے مطابق گھریلو سیلینڈر کی قیمت میں ساٹھ روپے اور کمرشل سلینڈر کی قیمت میں مزید دو سو چالیس روپےکا اضافہ کیا گیا ہے،عرفان کھوکھر نے بتایا کہ حکومت نے ایل پی جی کی قیمت بدستور چھے ہزار روپے فی ٹن رکھی ہوئی ہے اور اس کی قیمت پچیانوے روپے فی کلو ہونی چاہیئے۔
