اسلام آباد:ملک کے بیشتر شہروں میں شدید گرمی نے شہریوں کو پریشان کردیا ہے، محکمہ موسمیات کے مطابق آئندہ دو سےتین دن تک چاروں صوبوں میں گرمی کی لہر برقرار رہیگی۔
ملک کے بیشتر مقامات پر شدید گرمی نے شہریوں کا جینا محال کر دیا ہے، محکمہ موسمیات کا کہنا ہے کہ آئندہ چند روز کےدوران سندھ، پنجاب، خیبر پختونخواہ اوربلوچستان میں چند مقامات پرگرمی کی لہر میں مزید اضافہ ہوگا۔
محکمہ موسمیات کی جانب سے راولپنڈی ، گوجرانوالہ ، کشمیر، مالاکنڈ اور ہزارہ سمیت چند مقامات پر بارش کی پیشگوئی کی جارہی ہے۔
- Advertisement -
گزشتہ چوبیس گھنٹے کے دوران ملک کے بیشتر علاقوں میں موسم گرم رہا، سب سے زیادہ درجہ حرارت دادو ، نوابشاہ اور سبی میں اکتالیس ڈگری سینٹی گریڈریکارڈ کیا گیا۔
