کراچی: ڈی آئی جی ٹریننگ ڈاکٹر جمیل احمد نے کہا ہے کہ رزاق آباد پولیس ٹریننگ سینٹر کو یونیورسٹی آف ٹیررئیزم اسٹڈیز کا درجہ دیئے جانے کا منصوبہ زیر غور ہے۔
ان خیالات کا اظہار انہوں نے ایگلیٹ کورس مکمل کرنے والے اہلکاروں کی پاسنگ آوٹ پریڈ کی تقریب میں میڈیا سے گفتگو کرتے ہوئے کیا۔ ایگلیٹ کورس کے 23 ویں بیج میں خواتین اہلکاروں سمیت256پولیس کے جوانوں نے تربیت مکمل کی۔
پاسنگ آوٹ پریڈ کے موقع پرتقریب سے ڈی آئی ٹریننگز ڈاکٹر جمیل احمد نے خطاب کرتے ہوئے کہا کہ دہشت گردی عالمی مسئلہ ہے جس کے تدارک کیلئے پولیس کے جوانوں کو بھی عالمی معیار کی تربیت فراہم کررہے ہیں۔
رزاق آباد پولیس پولیس ٹریننگ سینٹر کو یونیورسٹی کا درجہ دلانے کیلئے اقدامات بھی زیر غور ہیں۔ خواتین اہلکاروں کا کہنا تھا کہ انہیں اعصاب شکن حالات اور دہشت گردی سے نمٹنے کی خصوصی تربیت دی گئی ہے۔
دوران تربیت نمایاں کارکردگی کا مظاہرہ کرنے والے 5اہلکاروں کیلئے اسکالرشپ کا اعلان بھی کیا گیا۔
