نیویارک : عالمی بینک نے رواں سال بھی پاکستان کی معاشی شرح نمو چار اعشاریہ چار فیصد رہنے کی پیشگوئی کردی ہے۔
عالمی بینک کی جاری رپورٹ کے مطابق جنوبی ایشیا کی معاشی شرح نمو کو خام تیل کی قیمتوں میں ہونے والی کمی سے کافی فائدہ ہوگا، کمی کے خطےکےمتعدد ممالک پر مختلف اثرات مرتب ہونگے۔
جنوبی ایشیائی ممالک بجلی پر دی جانے والی سبسڈی میں کمی کر کے بجٹ خسارے کو کم کر سکتے ہیں ۔
عالمی بینک کے مطابق رواں سال پاکستان کی معاشی شرح نمو چار اعشاریہ چار فیصد جبکہ سال دوہزار سولہ میں معاشی ترقی کی شرح چار اعشاریہ چھ فیصد رہنے کی توقع ہے۔
رپورٹ کے مطابق رواں سال بھارت کی شرح نمو سات اعشاریہ پانچ فیصد ، جبکہ بنگلہ دیش کی معاشی ترقی کی شرح پانچ اعشاریہ چھ فیصد رہنے کی توقع ہے۔
