کراچی : سانحہ بارہ مئی کے خلاف پاکستان بار کونسل نے کل یوم سیاہ منانے کا اعلان کر دیا۔ کراچی میں پانچ سال پہلے وکلاء کے قتل عام کیخلاف کل ملک گیر یوم سیاہ منایا جائے گا۔
ملک بھرکی بارکونسلز کی عمارتوں پرکالے جھنڈے لہرائے جائیں گے، بازوؤں پر سیاہ پٹیاں باندھی جائیں گی جبکہ وکلاء عدالتوں کی کارروائی کابائیکاٹ کرینگے۔
وکلاء رہنماؤں نے چیف جسٹس سےبارہ مئی دوہزارسات کو وکلاء کے قتل عام کا ازخود نوٹس لینے کا مطالبہ بھی کیا ہے۔
پاکستان بار کونسل کے اعلامئے میں کہا گیا ہے کہ پانچ سال بعد بھی سانحہ بارہ مئی کا کوئی مجرم گرفتارہوا اورنہ ہی کوئی مقدمہ چلایا گیا ہے۔
