فیس بک اور ٹوئٹر شادی شدہ زندگی کے لئے خطرہ بن گئے، سوشل میڈیا کے بے تحاشہ استعمال سے طلاق کی شرح میں اضافہ دیکھا جارہا ہے۔
حال ہی میں ہونے والی ایک تحقیق میں آسڑیلیا کی قانونی کمپنی سلیٹر اینڈ گورڈن کے ماہرین نے دعوی کیا ہے کہ فیس بک اور ٹوئیٹر جیسے سوشل نیٹ ورک شادی شدہ زندگی کے لئے بڑا خطرہ بن گئے ہیں، ہر سات میں سے ایک طلاق انہی کی وجہ سے ہو رہی ہے۔
تحقیق کے مطابق ایسی طلاقیں فیس بک یا کسی اور آن لائن سوشل نیٹ ورک پر شوہر یا بیوی کے ایک ایسی پوسٹ کے باعث ہوتی ہیں، جو ان کے شریک حیات کو ان کی بیوفائی کے ثبوت فراہم کر کے طلاق کی شرح بڑھانے کا باعث بن رہی ہیں۔
تحقیق کے مطابق میاں بیوی کے درمیان ہر پانچ میں سے ایک لڑائی فیس بک یا ٹوئیٹر کی وجہ سے ہوتی ہے۔
اعداد شمار کے مطابق فیس بک ،سکائپ ،ٹوئٹر ،واٹس ایپ یا دیگر سوشل میڈیا پلیٹ فارم شادی شدہ جوڑوں کے درمیان طلاق کرانے میں مرکزی کردار ادا کر رہی ہے۔
