اسلام آباد: سپریم کورٹ میں ای او بی آئی فراڈ کیس کی سماعت کرتے ہوئے جسٹس ثاقب نثار نے کہا کہ محض اخباری خبروں کی بنیاد پر یہ نہیں کہا جاسکتا کہ سودوں میں فراڈ ہوا۔
ای او بی آئی کی طرف سے سپریم کورٹ میں نظرثانی کی درخواست کی سماعت کرتے ہوئے جسٹس ثاقب نے کہا کہ جن زمینوں پر تعمیرات ہوگئی وہ کیسے واپس ہوں گی کیا ای او بی آئی نے زمینوں کی سابق اور موجودہ قیمتوں کا تخمینہ لگایا ہے۔
مالکان کا کہنا ہے کہ اگر وہ رقم واپس کر چکے ہیں تو وہ سود کیوں دیں ۔ ڈی ایچ اے سمیت متعدد مالکان رقم واپس کرنا ہی نہیں چاہتے۔جسٹس ثاقب نثار نے کہا معاملہ حل نہ ہونے کی وجہ سے متعدد افراد کی پنشن رک چکی ہیں اس لیے مقدمے کی سماعت روزانہ کی بنیاد پر ہوگی ۔
مقدمے کی مزید سماعت ایک ہفتے کے لیے ملتوی کر دی۔
