دبئی : نیوزی لینڈ کے خلاف دوسرے ٹیسٹ میں شان مسعود کے متنازعہ آؤٹ پر ہاک آئی ٹیکنالوجی آفیشلز نے اپنی غلطی کا اعتراف کرلیا۔ ہاک آئی ٹیکنالوجی کے معیار پر سوالیہ نشان لگ گیا ہے۔
نیوزی لینڈ کے خلاف دبئی ٹیسٹ کے آخری روز شان مسعود کے متنازعہ آؤٹ پر ہاک آئی آفیشلز نے غلطی کا اعتراف کرلیا۔ شان مسعود کو چالیس رنز پر فیلڈ امپائر نے ٹرینٹ بولٹ کی گیند پر ایل بی ڈبلیو قرار دیا تھا جس کیخلاف اوپنر نے اپیل کردی۔
اپیل پر بھی ہاک آئی ٹیکنالوجی نےامپائر کے فیصلے کو برقرار رکھا جس نے سب کو حیران کردیا۔ کیوی بولر کی گیند شان مسعود کے پاؤں پر لگ کر صاف باہر جاتی ہوئی دکھائی دی لیکن بال ٹریکنگ ٹیکنالوجی میں گیند کو وکٹوں کو ہٹ کرتے ہوئے دکھایا گیا۔
- Advertisement -
ہاک آئی آفیشلز نے کپتان مصباح الحق اور ٹیم مینجر سے ملاقات میں غلطی کا اعتراف کرلیا ہے۔
