دتہ خیل : شمالی وزیرستان کے علاقے دتہ خیل میں فضائی کارروائی کے دوران بائیس دہشت گرد ہلاک اور ان کے متعدد ٹھکانے تباہ ہوگئے۔
شمالی وزیرستان میں پاک فوج کا دہشت گردوں کے خلاف آپریشن ضربِ عضب کامیابی سے جاری ہے، زمینی دستوں کے ساتھ پاک فضائیہ بھی دشمن کی کمر توڑنے میں مصروف ہے۔
آئی ایس پی آر کے مطابق گذشتہ رات جیٹ طیاروں نے دتہ خیل میں دہشتگردوں کے ٹھکانوں کو نشانہ بنایا، کارروائی میں بائیس دہشت گرد مارے گئے۔
- Advertisement -
آئی ایس پی آر کا کہنا تھا کہ سیکیورٹی فورسز کی کارروائی میں دہشت گردوں کے اسلحے اور بارود کا ذخیرہ بھی تباہ کردیا گیا۔
دوسری جانب جنوبی وزیرستان میں شدت پسندوں نے کھجوری چیک پوسٹ پر راکٹوں سے حملہ کیا، جس میں سات اہلکار زخمی ہوگٗئے، پاک فوج کی جانب سے جوابی کارروائی میں اہم کمانڈر سمیت آٹھ شدت پسند مارے گئے۔
