ویانا :عالمی منڈی میں خام تیل کی قیمتوں میں کمی کا سلسلہ رکنے کا نام ہی نہیں لے رہا ہے، عالمی منڈی میں خام تیل کی قیمت ساڑھے پانچ سال کی کم ترین سطح پر آگئی ہے۔
سال دوہزار پندرہ میں بھی خام تیل کی قیمت میں کمی کا سلسلہ جاری ہے، عالمی منڈی میں خام تیل کی فروری کے سودے اکیاون ڈالر فی بیرل پر فروخت ہورہے ہیں، جو ساڑھے پانچ سال کی کم ترین سطح ہے ۔
نارتھ برینٹ خام تیل کے فروری کے سودے پچپن ڈالر فی بیرل پر ٹریڈ کر رہے ہیں۔
معاشی تجزیہ کاروں کے مطابق خام تیل کی قیمت میں کمی اور اوپیک کی جانب سے پیداورانہ کم کرنے کے باعث تیل برآمد کرنے والے نان اوپیک ممالک کیلئے مشکلات میں مزید اضافہ متوقع ہے۔
