کراچی: پاکستان ریلویزکاعید آپریشن بدنظمی کا شکار ہوگیا ،عید منانے اپنے پیاروں کے پاس جانے والے مسافروں نے ٹرینوں کی روانگی میں تاخیر پر ریلوےاسٹیشن پر شدید احتجاج کیا۔
شدید گرمی اورریل کے چلنے کا انتظار سے مسافروں کے صبرکا پیمانہ لبریز ہوگیا، کینٹ اسٹیشن سے کراچی ایکسپریس چھ گھنٹے کی تاخیر کے بعد روانہ ہوئی تو قراقرام کی روانگی بھی تین گھنٹے لیٹ ہوئی جبکہ شالیمار ایکسپریس بھی چھ گھنٹے، ملت ایکسپریس سات گھنٹےتک مسافروں کے صبر کا امتحان لینے کےبعد اپنی منزل کے لیے روانہ ہوگئی ۔
ریلوے حکام کا کہنا ہےکہ ٹرینوں میں تاخیرکی وجہ ملت ایکسپریس بنی تھی ،جس کی بوگی پٹری سے اتر گئی تھی۔
