فرانس: گذشتہ روز تباہ ہونے والے طیارے کے ملبے کی تلاش کا کام دوبارہ شروع کردیا گیا ہے، ملبے کی تلاش کا کام خراب موسم کے باعث روک دیا گیا تھا۔
غیرملکی میڈیا کے مطابق طیارہ حادثے کے بعد فرانس اور اسپین میں تین روزہ سوگ منایا جا رہا ہے، فرانس کے صدرفرانسوا اولاند، جرمنی کی چانسلراینجیلا مرکل اور اسپین کے وزیراعظم آج جائے حادثہ کا دورہ کریں گے۔
- Advertisement -
فرانسیسی حکام کا ملبہ پہاڑی سلسلے پر بکھرنے کے وجہ سے لاشوں کی تلاش میں کئی دن لگ سکتے ہیں۔
تباہ شدہ طیارے کا بلیک باکس مل گیا ہے، جس سے حادثے کی وجوہات جاننے میں مدد ملے گی۔
یاد رہے کہ جرمنی کا طیارہ کل فرانس میں گرکرتباہ ہوگیا تھا، جس میں ڈیڑھ سوافراد جاں بحق ہوگئے تھے، جس میں 16 بچے بھی شامل ہیں، جرمن وِنگز کی یہ پرواز اسپین کے شہر بارسلونا سے جرمنی کے شہر ڈوزلڈورف جا رہی تھی۔
