فرینچ ایلپس: فرانس کا ایک مسافر برادر طیارہ ملک کے جنوب میں پہاڑی سلسلے فرینچ ایلپس میں گر کر تباہ ہوگیا، حادثے میں ڈیڑھ سو افراد کے ہلاک ہوگئے جس میں 16 بچے بھی شامل ہیں۔
فرانس کے محکمہ ہوابازی کے حکام اور پولیس کے مطابق یہ طیارپر ایک سو چوالیس مسافر اور عملے کے چھ ارکان سوار تھے۔
طیارہ جرمنی کی سستی ہوائی کمپنی جرمن ونگز کا تھا جو جرمنی کی قومی ایئر لائن لفتھانزا کی ایک ذیلی کمپنی ہے۔
- Advertisement -
طیارہ ساز کپمنی ’ایئر بس‘ اور فضائی کمپنی جرمن وِنگز دونوں کا کہنا ہے کہ انھیں اس حادثے کی اطلاع مل چکی ہے تاہم وہ ابھی ہلاکتوں کی تصدیق نہیں کر سکتے۔
جرمن وِنگز کی یہ پرواز اسپین کے شہر بارسلونا سے جرمنی کے شہر ڈوزلڈورف جا رہی تھی۔
فرانسیسی صدر فرانسوا اولاند کا کہنا تھا کہ جس علاقے میں حادثہ پیش آیا ہے وہاں تک رسائی بہت مشکل ہے۔
