راولپنڈی: پاک فوج کے شعبہ ِ تعلقات ِ عامہ کے ڈائریکتر جنرل عاصم سلیم باجوہ نے سماجی رابطے کی ویب سائٹ پر حکومت کے مؤقف کی نفی کردی ہے۔
وزیرِاعظم نواز شریف نے آج صبح پارلیمنٹ سے خطاب کرتے ہوئے کہا تھا کہ پاکستان تحریک ِ انصاف اور پاکستان عوامی تحریک نے پاک فوج سے ثالثی کے لئے درخواست کی تھی۔
گذ شتہ روز چیف آف آرمی اسٹاف راحیل شریف نے وزیر اعظم نواز شریف ، عمران خان اور ڈاکٹر طاہرالقادری ملک میں جاری سیاسی بحران کے خانمے کے لئےجداگانہ ملاقاتیں کی تھیں۔
میجر جنرل عاصم سلیم باجوہ نے سماجی رابطے کی ویب سائٹ ’’ٹوئٹر‘‘پر اپنے پیغام میں کہا ہے کہ’’حکومت نے حالیہ بحران کے خاتمے لئے آرمی سے ثالثی کی درخواست کی تھی‘‘۔
پاکستان عوامی تحریک کے سربراہ ڈاکتر طاہر القادری اور پاکستان تحریک ِ انصاف کے سربراہ عمران خان پہلے ہی وزیراعظم کے اس بیان کو رد کرچکے ہیں
آئی ایس پی آر کے سربراہ کی جانب سے اس بیان کے بعد یہ بات واضح ہوگئی ہے کہ وزیر اعظم نے اسمبلی کے فلور پر غلط بیانی سے کام لیا جس کے باعث آئین کے آرٹیکل باسٹھ اور تریسٹھ کے تحت وزیر اعظم کی اہلیت پر ایک نئی بحث شروع ہوگئی ہے۔