پاکستان کرکٹ ٹیم کے کپتان مصباح الحق رواں سال کے دوران سب سے زیادہ رنز بنانے والے کرکٹر بن گئے۔ انھوں نے سری لنکا کے خلاف دوسرے ون ڈے میں انسٹھ رنز کی ناقابل شکست اننگز کھیلی۔
کپتان مصباح الحق کو ان کی مسلسل کارکردگی کی وجہ سے پاکستان کی بیٹنگ لائن کی ریڑھ کی ہڈی سمجھا جاتا ہے۔ سری لنکا کے خلاف دوسرے ون ڈے میں مصباح نے انسٹھ رنز کی ناقابل شکست اننگز کھیل کر کئی ریکارڈ بناڈالے۔
سری لنکا کے خلاف ان کی نصف سینچری سال کی چوہودیں نصف سینچری تھی۔ یوں انھوں نے ایک سال میں تیرہ نصف سینچریوں کا لٹل ماسٹر سچن ٹنڈولکر کا ریکارڈ بھی توڑ دیا۔
اس کے علاوہ مصباح بھارت ہی کے ویرات کوہلی کو پیچھے چھوڑتے ہوئے ون ڈے میں سال کے سب سے زیادہ رنز بنانے والے کرکٹر بھی بن گئے۔۔انھوں نے اب تک ایک ہزاردو سو بیاسی رنز بنائے ہیں۔ انھیں رواں سال ابھی مزید تین ون ڈے اورکھیلنا ہیں۔
