اسلام آباد: تحریک انصاف اورجماعت اسلامی کے مابین حالیہ کشیدگی اور غلط فہمیوں کو کم کرنے کے لئے چیئرمین تحریک انصاف عمران خان اور امیر جماعت اسلامی سراج الحق کے درمیان اہم ملاقات آج شام کو ہو گی۔
دونوں رہنماؤں کے درمیان ملاقات نائب امیرجماعت اسلامی میاں اسلم کی رہائش گاہ پر شام پانچ بجے ہو گی۔ملاقات کے لئے سراج الحق کی جانب سے عمران خان کو چائے کی دعوت دی گئی تھی، جسے عمران خان نے قبول کر لیا۔
ملاقات میں تحریک انصاف کی جانب سے وزیر اعلیٰ کے پی کے پرویزخٹک اور عامر کیانی بھی عمران خان کے ہمراہ ہوں گے۔دونوں رہنماؤں کے درمیان سیاسی بحران سمیت حالیہ بیانات کے باعث پیدا ہونے والی غلط فہمیوں کے ازالے کے لئے بات چیت کی جائے گی۔
